Dodik nuk e ka fshehur se do të ishte i kënaqur që Republika Serbe dhe Serbia të shndërrohen në një shtet, duke shtuar se i ftuari kryesor në Banja Llukë do të jetë presidenti i Serbisë, Tomislav Nikoliq.
I pyetur për ridefinimin e kufijve në Ballkan dhe se a do e “përpinte” idenë e krimit të Shqipërisë së madhe, propozim ky nga Timothy Wood, Dodik ka thënë se Kosova është një çështje e dhimbshme, pa dashur të jepte më shumë koment, transmeton lajmi.net
“Kosova është një çështje e dhimbshme, por ne kemi nevojë të hapim dialog me kombin serb. Katër komunat (Leposaviqi, Zvecani, Zubin Potoku dhe Veriu i Mitrovicës), duhet të mbetën pjesë e Serbisë”, është shprehur Dodik.
Ai beson se ende nuk është vonë për ndarjen e Kosovës.
“Besoj se nuk jemi vonë, ky bashkim do të jetë i kënaqshëm. Do të vij koha kur serbët që janë poshtëruar, të iu plotësohet dëshira e tyre. Kjo është zona ku shqiptarët e kanë të pamundur të krijojnë qeveri, pavarësisht nga idealizmi që disa përpiqen ta shpërndajnë këtu në Serbi”, ka thënë Dodik.