Ministri i Punës dhe Mirëqenies Sociale, Arban Abrashi ka dhënë informacione më të plota për çështjen e pensioneve të shtetasve të Kosovës në Zvicër. Z. Abrashi njofton se Këshilli Federal i Zvicrës ka mandatuar departamentin Federal të Punëve të Brendshme për të negociuar me Kosovën për çështje të sigurimeve sociale.
Ky është postimi i plotë i ministrit Abrashi:
Këshilli Federal i Zvicrës, sot në mbledhje mandatoi departamentin Federal të Punëve të Brendshme të filloj negociatat mbi një marrëveshje për sigurimet sociale me Kosovën.
Një marrëveshje e tillë do të mundësoj që shtetasit kosovarë, përsëri të pranojnë pagesat pensionale dhe invalidore jashtë shtetit.
Këshilli Federal Zvicran, vlerëson se Kosova dukshëm ka zhvilluar legjislacionin në fushën e sigurimeve sociale.
Reformat e ndërmarra në fushën e pensioneve po japin rezultatet e para. Kosova dal ngadal do bëhet një shtet modern dhe i barabartë evropian.
Janë mbi njëqind mijë Kosovarë që jetojnë në Zvicër.
Urime të gjithëve!