Ministria e Drejtësisë ka mohuar raportimet në media se ministrja Hoxha pritet t’i shkarkojë katër drejtorë të burgjeve.
Në reagimin e ministrisë thuhet se ky lajm është i pasaktë, pasi deri më tani nuk ka pranuar ndonjë raport nga Inspektorati i Shërbimit Korrektues të Kosovës.
“Ministrja e Drejtësisë, ende nuk ka pranuar asnjë raport me të gjeturat rreth rastit nga Inspektorati i Shërbimit Korrektues të Kosovës, andaj, çdo konstatim rreth kësaj çështjeje është i pasaktë”.
“Pas pranimit të Raportit të Inspektoratit, Ministrja e Drejtësisë do të ndërmarrë veprimet në pajtim me të gjeturat e raportit”, thuhet në reagimin e MD-së, transmeton lajmi.net.
Ndryshe sot është raportuar se nga ministrja Hoxha do të shkarkohen katër drejtorë të cilët kishin darkuar me një ish të burgosurin, Blerim Potera, i cili ishte dënuar për veprën penale trafikim me armë.
