Jose Mourinho është shumë i qartë, Manchester United ka nevojë urgjente për t’u përforcuar. Me merkaton që do të hapet në janar, portugezi mendon të forcojë ekipin e vet. Objektivi i tij kryesor për sezonin e ardhshëm është asgjë më shumë dhe asgjë më pak se Antoine Griezmann. Sipas “The Sun”, Mourinho e dëshiron me çdo çmim yllin e Atletico Madridit. Manchester United ka folur me agjentin e Griezmann për mundësinë e nënshkrimit të sulmuesit francez verën e ardhshme. Çmimi i tij do të jetë rreth 70 milionë euro.Mourinho ka folur me drejtuesit e Manchester United për këtë gjë.
Trajneri portugez është duke kërkuar një lojtar me talent të mjaftueshëm dhe të lidhur me mesfushën, port ë ketë edhe aftësi sulmuese. Griezmann mund të jetë lojtari, i cili do t’i bashkohet Paul Pogba dhe Zlatan Ibrahimovic në fushë, duke formuar një sulm shkatërrues. Kontrata e francezit me Atletico Madrid përfundon në vitin 2021, por e ardhmja e tij do të mund të lidhet me Diego Simeone, largimi i të cilit mund të arrijë këtë verë.
