Në Kuvendin e Sqipërisë, Konferenca e kryetarëve miratoi kalendarin tre javor ku përfshin dhe kërkesën e PD-së për të hedhur në votim kërkesën për një referendum të mbetjeve
Gjithashtu konferenca vendosi për zgjatjen e afateve për dy Komisionet hetimore për CEZ.
PD dorëzoi javën e kaluar kërkesën dhe kërkoi të hidhej në votim seancën e kaluar por kjo nuk u pranua. Grupi parlamentar i Partisë Demokratike vlerëson se lejimi i importit të grupeve të caktuara të mbetjeve në territorin e Shqipërisë cenon interesin publik për shkak se cenon interesin e brezave të sotëm dhe të ardhshëm, krijon premisë të qartë të shfrytëzimit të këtij aktiviteti nga grupet kriminale ndërkombëtare të importimit të mbetjeve të rrezikshme. Bie ndesh me zhvillimin e qëndrueshëm të vendit tonë. Ky fakt nënkupton se lejimi ose jo i llojeve të caktuara të mbetjeve është çështje me interes publik dhe për pasojë, ajo konsiderohet një çështje me rëndësi të veçantë.
