Mërgimtarët, të cilët erdhën për festat e fundvitit në Kosovë, tanimë kanë përfunduar pushimet e tyre dhe po kthehen në shtetet ku jetojnë dhe punojnë.
Të gjithë ata bashkatdhetarë që erdhën na Kosovë për festat e fundvitit u përballen me pritje të gjata nëpër kufij. Ndërsa, tani kur po kthehen në vendet e Evropës Perëndimore, pritjet në vendkalimet kufitare janë më të shkurtra.
Mëngjesin e sotëm në dy vendkalimet më të frekuentuara të Kosovës me Serbinë, në Merdare dhe te Dheu i Bardhë, bashkatdhetarët po presin deri në 30 minuta, për ta kaluar kufirin.
Sipas Qendrës Kombëtare për Menaxhim Kufitar, kolona në dalje në pikën kufitare Merdare është deri në 250 metra dhe pritje nga 20 deri në 30 minuta.
Ndërsa në hyrje të kësaj pike kufitare pritjet janë në 3 deri në 5 minuta.
Kolona raportohet të ketë edhe në piken e kalimit kufitar te Dheu i Bardhë, ku kolonat janë 100 deri në 130 metra të gjata dhe pritet 15 deri në 20 minuta, për ta kaluar kufirin.
