Në Prishtinë deri më sot janë konfirmuar 900 raste me COVID-19, prej tyre 654 janë ende aktive

Drejtori i Shëndetësisë në Komunën e Prishtinës, Bujar Gashi ka thënë se në kryeqytet nga marsi e deri më sot janë konfirmuar 900 raste me COVID-19, prej tyre 654 janë ende aktive.

Gashi përmes një postimi në Facebook ka kërkuar nga qytetarët që të respektojnë masat.

“Ju lusim shumë që bashkë të vazhdojmë̈ me kujdes të shtuar, në mënyrë̈ që të parandalojmë̈ përhapjen e mëtutjeshme dhe rëndimin e situatës edhe më shumë. Të gjithë̈ e kemi obligim që të ruajmë̈ veten dhe të tjerët rreth nesh e të jemi të ndërgjegjshëm”, ka shkruar Gashi.

Postimi i plotë:

Qytetarë të nderuar,
Kohëve të fundit jemi dëshmitarë të rritjes së shpejtuar të rasteve me #covid19 në vend e në veçanti në Prishtinë.
Bazuar në të dhënat e marra nga IKShP dhe raportin e konsoliduar nga Shtabi Emergjent në Prishtinë del se momentalisht, që nga data 20 Mars deri sot kemi 900 raste me #covid19 prej të cilave 654 raste janë ende aktive. Kemi 241 raste të shëruara dhe zyrtarisht të konfirmuara 5 raste që kanë përfunduar me fatalitet.
Ju lusim shumë që bashkë të vazhdojmë me kujdes të shtuar, në mënyrë që të parandalojmë përhapjen e mëtutjeshme dhe rëndimin e situatës edhe më shumë.
Të gjithë e kemi obligim që të ruajmë veten dhe të tjerët rreth nesh e të jemi të ndërgjegjshëm.
Sepse vetëm #bashkë mund të e tejkalojmë këtë sfidë!
Vazhdoni t’i mbani maskat, dezinfektoni duart dhe mbani distancë!
#prishtina
#shpiPRkrejt.