Në zonat e banuara me serbë në Kosovë janë regjistruar 37 raste të reja me koronavirus.
Kjo u bë e ditur nga epidemiologu serb, Aleksandar Antonijeviq.
Ai njoftoi se nga 68 personat e testuar dje, 37 u diagnostikuan me Covid-19.
“Në këtë valë të dytë, ne kemi gjashtë të kuruar dhe katër të vdekur,” tha Antonijeviq.
Në Qendrën Shëndetësore në veri të Mitrovicës 75 persona janë hospitalizuar të cilët janë të konfirmuar me Covid-19, shtoi më tutje ai, raporton Radio Kontakt Plus.
