Një vit më parë me nismë të ministrit për Evropën dhe Punët e Jashtme, Ditmir Bushati, shtatorja e Nënë Terezës mbërriti në Rio De Zhaneiro të Brazilit.
Së fundmi, në një meshë madhore drejtuar nga Kryepeshkopi Kardinal Orani João Tempesta, u zhvillua ceremonia e përurimit të Pllakës dedikuar humanistes shqiptare.
Përmes një video të postuar në rrjetin social Facebook, ministria për Evropën dhe Punët e Jashtme paraqet pamje nga kjo meshë kushtuar shenjtores shqiptare.
