Sapo ka filluar takimi i përbashkët për koordinim të dialogut Kosovë-Serbi, i thirrur nga kryeparlamentari Kadri Veseli, në të cilën po marrin pjesë presidenti Hashim Thaçi, kryeministri Ramush Haradinaj, Shpend Ahmeti nga Ekipi negociator, si dhe përfaqësuesit e grupeve parlamentare, me përjashtim të Vetëvendosjes dhe Lidhjes Demokratike të Kosovës.
Takimi është duke u mbajtur në Kuvendin e Kosovës.
Ndryshe, edhe Kuvendi i Kosovës mban sot seancë të jashtëzakonshme për të diskutuar draft-marrëveshjen e përgatitur nga Qeveria e Kosovës për dialogun me Serbinë.
