Zyra e Qeverisë për komunikim me media ka njoftuar edhe zyrtarisht se mbledhja e qeverisë është shtyrë për shkak të mos pranimit të disa ministrave që duhej të prezantonin pikat e rendit të ditës.
Njoftimi zyrtar i dërguar nga zyra për komunikim publik nga Qeveria, thotë se mbledhja e Qeverisë e cila ishte e paraparë të mbahet sot, nuk u zhvillua për shkak të mos pranisë së ministrave të cilët do të duhej të prezantonin pikat e renditë të ditës, të parapara për këtë mbledhje.
Njoftimi thotë se të pranishëm në mbledhje kanë qenë ministra nga Lidhja Demokratike e Kosovës, Partia Demokratike e Kosovës dhe parti të tjera.
Mbledhja ishte e paraparë të mbahen në orës 09:00.
Njoftimi i plotë nga Qeveria:
Prishtinë, 9 qershor 2017
Mbledhja e Qeverisë së Republikës së Kosovës e paraparë të mbahet sot nuk është zhvilluar për shkak të mos pranisë së ministrave të cilët do të duhej të prezantonin pikat e rendit të ditës, të parapara në këtë mbledhje.
Ndërkaq, të pranishëm në mbledhje kanë qenë ministra nga LDK-ja, PDK-ja dhe parti të tjera.
