Shefi i Grupit Parlamentar të Nismës, Endrit Shala, ka reaguar pasi që hetuesit e Speciales kanë shkuar në shtëpinë e Jakup Krasniqit, ish-zëdhënësit të UÇK-së, tani kryetar i Këshillit Kombëtar të Nismës.
Me anë të një postimi në Facebook, Shala është shprehur i bindur në fitoren e Krasniqit në çfarëdo beteje, shkruan lajmi.net.
“Ne nuk njohim humbje. Jemi Gati. Fitimtar edhe në betejat e radhës, cilat do qofshin ato”, ka shkruajtur Shala.
Ende nuk dihet nëse ky operacion do të përfundojë me arrestimin e Krasniqit, apo vetëm me bastisje.
