Gjatë ditës së sotme ka pasur reshje të kohë pas kohe të shiut thuajse në gjithë vendin, në Prishtinë si pasojë e reshjeve të mëdha ka shpërthyer një gyp përçues i ujit dhe e ka marrë rrugën, shkruan “Zëri.info”.
Ngjarja ka ndodhur në rrugën B më saktësisht te rrethi, aty prej ku edhe lexuesit e “Zëri.Info”, kanë dërguar pamje, në të cilat shihet gjendja katastrofale e rrugës në këtë pjesë të kryeqytetit.
Ndryshe, mot me vranësira e me reshje të kohëpaskohshme të shiut për këtë fundjavë është paralajmëruar edhe nga Instituti Hidrometeorologjik i Kosovës(IHMK).
Sipas IHMK temperaturat minimale do të lëvizin nga 13-15 gradë Celsius, ndërsa maksimalet e ditës parashihen të lëvizin ndërmjet 22-24 gradë Celsius.