Në 25-vjetorin e anëtarësimit të Shqipërisë në OSBE, ministri i Punëve të Jashtme të Shqipërisë, Ditmir Bushati përsëriti edhe një herë kërkesën që Kosova të jetë pjesëmarrëse në diskutimet që zhvillohen në forumet e kësaj organizate.
Një ditë më pas, homologu i tij serb Ivica Daçiç i ka dhënë një përgjigje të fortë kësaj kërkese.
“Kosova do të bëhet anëtare e OSBE-së vetëm kur Çeda (Çedomir Jovanoviç) të bëhet ministër i Jashtëm i Serbisë”, ak thënë Daçiq.
Ky është reagimi që vjen pas paralajmërimeve nga Tirana, se Shqipëria do të ngrejë cështjen e anëtarësimit të Prishtinës zyrtare në Këshillin e Përhershëm të OSBE-së, shkruan Express.
Vitin e kaluar Daçiç ka kryesuar OSBE-në, dhe sipas tij në këtë organizatë ndërkombëtare, vendimet merren veçse me konsensus.
“Pra pa pëlqimin e Serbisë nuk ka pranim”, – theksoi ai – citon media serbe Novosti.
Çedomir Jovanoviç është kryetar i Partisë Libera-Demokrate të Serbisë, që pranon pavarësinë e Kosovës dhe ka qëndrime kritike ndaj politikës serbe kundrejt shqiptarëve.