Përmes Dragan Tevdovskit, kryetar i komisionit për ekonomi në LSDM, opozita e udhëhequr nga Zoran Zaev, zotohet se do ta rritë rrogën minimale që sipas tyre tani është 10.080 denarë, në 16.000 denarë.
Kjo rritje planifikohet të arrijë deri më 2020, por për ta realizuar këtë premtim, LSDM-ja thotë se do ta bëjë pas ndryshimit të pushtetit në Maqedoni, pra pas zgjedhjeve, kurse thonë se të paktën deri në prill të vitit 2017, këtë rritje do ta arrijnë deri në 12.000 denarë.
Ndaj Tevdovskit ka reaguar ORBM-PDUKM-ja pushtetare, duke akuzuar LSDM-në se e ka humbur besueshmërinë që të flet për rrogë minimale dhe për të drejta të punëtorëve, pasi që sipas tyre, mbyllu 684 fabrika dhe la pa punë mbi 200 mijë punëtorë.
