Policia deklarohet pas ndalimit të Vuçiqit

09.09.2018 11:42:15

Me urdhër të kryeministrit të Kosovës, Ramush Haradinaj, Policia e Kosovës, ka ndaluar presidentin e Serbisë, Aleksandër Vuçiq, që ta vizitojë fshatin Banjë të Skenderajt.

Në një prononcim për “Zeri.info”, zëdhënësi i Policisë së Kosovës, Baki Kelani, ka thënë shkurt se, Policia është institucion i zbatimit të ligjit dhe si e tillë, është e obliguar që të zbatojë vendimet e institucioneve.

“Policia e Kosovës është institucion i zbatimit të ligjit, dhe të gjitha veprimet e saja do ti ndërmerr konform autorizimeve ligjore dhe vendimit të institucioneve shtetërore të Kosovës, që ka të bëjë me vizitën e presidentit të Serbisë, për në rajonin e Drenicës”, ka deklaruar Kelani për “Zërin”.