Policia e Kosovës ka konfiskuar më shumë se 83 kilogramë drogë të llojit marihuanë në Deçan dhe ka arrestuar lidhur me këtë rast tre persona, shtetas të Shqipërisë e Kosovës.
Në një konferencë për media, policia njoftoi se po ashtu kanë konfiskuar edhe tre vetura, me targa të Kosovës e Shqipërisë.
Personat e arrestuar në këtë rast janë: U. K. lindur me 1971, E. K (1997) dhe E.A (1997)
Policia ka thënë se hetimet lidhur me këtë rast janë ende duke vazhduar por sipas informacioneve, qëllimi ka qenë që droga të dërgohet në vendet e Evropës Perëndimore