Policia e Kosovës i ka mohuar raportimet e disa mediave se në Mitrovicën e Veriut ka pasur prezencë të pjesëtarëve të xhandarmërisë serbe.
“Jo, nuk është e vërtetë”, është përgjigjur shkurt Hoti.
Ai ka folur edhe për situatën e sigurisë në Mitrovicë kur po mbahen zgjedhjet presidenciale serbe, duke thënë se është një ditë e zakonshme.
“Është një ditë e rëndomtë, absolutisht nuk ka incidente dhe situata është e qetë. Nuk ka probleme që do të mund të përmendeshin”, është shprehur Besim Hoti për lajmi.net
Mediat gjatë ditës kanë raportuar se pjesëtarë të xhandarmësrisë serbe dhe trupa të uniformuar janë prezent në qendrat e votimit në Mitrovicën e Veriut.
