Presidenti serb, Aleksander Vuçiq ka folur për herë të parë pas shtrimit në spitalin ushtarak të Beogradit.
Vuçiq u shtrua në spital si pasojë e problemeve me zemër, teksa përmes një mesazhi që u publikua në instagram, ai tha se gjendja shëndetësore e tij është më stabile, shkruan lajmi.net.
Ai tha se në punë do të dalë që nga dita e hënë.
“Faleminderit mjekëve dhe stafit të Spitalit Ushtarak. Faleminderit për të gjithë ata që u kujdesën. Do të jem në punë me orar të plotë duke filluar nga e hëna”, thuhet në letër.
Sipas zyrtarëve dhe njerëzve të afërt të Vuçiqit, deri tek gjendja e rënduar e presidentit serb ka ardhur pas volumit të madh të punëve.
