Ndoshta lajmi më i mirë në këto ditë shqetësuese si pasojë e koronavirusit, është ulja e të infektuarve dhe viktimave në Kinë, e cila është konsideruar dhe si origjina e COVID-19. Madje sipas raportimeve të fundit, vendi aziatik ka mbyllur edhe disa nga spitalet e ngritura karantinore, të cilat ishin ndërtuar për të luftuar epideminë vdekjeprurëse.
WUHAN- CoVid-19 është cilësuar si koronavirusi kinez, kjo pasi epiqendra e përhapjes së tij ishte në Wuhan, Hubei.
Në zonën më të nxehtë ku shpërtheu virusi janë mbyllur të gjithë spitalet e hapura aty përkohësisht për të shëruar pacientët e prekur.
Por e gjitha kjo është arritur me masa të rrepta të ndërmarra nga qeveria kineze dhe disiplina e treguar nga qytetarët të cilët kanë zbatuar rregullat higjenike.
Ndërkohë i gjithë qyteti është dezinfektuar nga makineri të mëdha. Për më tepër ju ftojmë të ndiqni videon.
