Qeveria e Kosovës ka miratuar propozim vendimin e ministres së Drejtësisë, Dhurata Hoxha për ndarjen e mjeteve financiare për kompensimin e viktimave të krimit, me vlerë 100.000 euro.
Ministrja e Drejtësisë, Dhurata Hoxha, sot ka marrë pjesë në mbledhjen e rregullt të Qeverisë ku ka prezantuar dy ekspoze, njëra për koncept dokumentin për tokën ndërtimore dhe ekspozenë për propozim–vendimin për ndarjen e mjeteve financiare për kompensimin e viktimave të krimit, me vlerë 100.000 euro.
Pas miratimit të ligjit për kompensimin e viktimave të krimit, theksoi Ministrja, kërkohen mjete financiare që të fillojë procesi i kompensimit të viktimave të krimit.
“Përmes këtij procesi, mundësohet kompensimi financiar i viktimave të krimit, përkatësisht viktimave të kategorive të caktuara të veprave penale”, theksoi ministrja Hoxha.
Qeveria e Republikës së Kosovës, miratoi koncept dokumentin për tokën ndërtimore dhe propozim–vendimin e Ministres Dhurata Hoxha për mjetet financiare për kompensimin e viktimave të krimit, me vlerë 100.000 euro.
