Derisa forcat irakiane po luftojnë për të rimarrë kontrollin e plot në Mosul, Kombet e Bashkuara paralajmëruan se Shteti Islam është duke i detyruar të luftojnë djemtë nga 9 vjeç e më të rritur.
OKB-ja ka marrë njoftime se ISIS më 17 tetor ka urdhëruar fshatarët në Hamam el-Alil, 30 km nga Mosuli, për t’i dorëzuar të gjithë djemtë nga 9 vjeçar, ka njoftuar zëdhënësja e OKB-së për refugjatët, Ravina Shamdasani, transmeton KosovaPress.
Siç është raportuar nga CNN, Shamdasani argumenton se djemtë janë rekrutuar për të luftuar bashkë me terroristët, të cilët janë duke u përpjekur për ta mbajtur fortesën e tyre më të madhe në Irak.
Forcat irakiane në ditët e fundit kanë hyrë në qytet për herë të parë pas dy viteve, konfirmoi gjenerali irakian, Maan al-Saadi.
Por, ISIS përveç taktikës me gjuajtje me snajperë, vazhdon të kryejë ekzekutimet masive. Të hënën vranë 50 militantë të saj, të cilët ishin përpjekur ta braktisin betejën e terroristëve.
Dyshohet se terroristët kanë çuar dhjetëra mijëra civilëve në afërsi të qytetit, që të shërbejnë si mburoja njerëzore.
