Kosova dhe Serbia më 4 shtator kanë nënshkruar marrëveshjen për normalizim ekonomik në Washington. E pas nënshkrimit të kësaj marrëveshje, kishte reaguar edhe Ministria e Jashtme e Rusisë.
Zëdhënësja e MPJ-së ruse, Maria Zakharova kishte publikuar një mesazh turpërues pas vizitës së Vuçiqit në Shtëpinë e Bardhë.
“Nëse jeni ftuar në Shtëpinë e Bardhë, dhe karrigia është ngritur për t’ju marrë në pyetje, uluni si në figurën 2, kushdo që të jeni. Thjesht më beso”, ka shkruar Zakharova në Facebook.
Pas këtij mesazhi, i menjëher/shëm ka qenë reagimi i presidentit serb Aleksandar Vuçiq.
Vuçiq ka thënë se, me anë të këtij mesazhi, Zakharova ka treguar primitivizëm dhe se ai nuk do të merret me ta.
“Ka njerëz që thjesht urrejnë dhe po kërkojnë një mënyrë për t’ju thënë diçka. Ata gjithmonë flasin më së shumti për veten e tyre. Maria Zaharova gjithashtu flet më shumë për veten e saj. Primitivizmi dhe injoranca që ajo e ka treguar, fletë për të, e besa edhe për ata që e kanë e kanë emëruar [në këtë detyrë]. Unë nuk do t’i përgjigjem asaj”, kishte thënë Vuçiq.
Pas këtij skandali ndërmjet Rusisë dhe Serbisë, është iniciuar një peticion online që kërkon shkarkimin e Zakharovës nga kjo pozitë.
“Rusët kërkojnë shkarkimin e Maria Zakharovës pas një shkrimi skandaloz [në Facebook]. Një peticion drejtuar Ministrisë së Punëve të Jashtme të Federatës Ruse që kërkon dorëheqjen e shefes së informacionit në MPJ, Maria Zakharova është shfaqur në Change.org. Zakharovës i është kërkuar që të lë postin e saj ‘për mungesë profesionalizmi dhe shije politike’ për shkak të një shkrimi në Facebook, i cili shkaktoi një skandal midis Rusisë dhe Serbisë”, njofton në Facebook, drejtoresha e Qendrës për Studime Gjeostrategjike në Beograd, Dragana Trifkoviq.
Po ashtu, pas marrëveshjes kishin reaguar edhe ultranacionalistët pro-rus në Serbi.
Sipas tyre, kjo marrëveshje ia fut “gishtin në sy” Rusisë.
Shtetet e Bashkuara u përfshin në këtë dialog më shumë, pasi më 4 tetor 2019, presidenti Trump e emëroi Richard Grenellin si të dërguarin e tij të posaçëm në këto bisedime.
