Është identifikuar viktima e aksidentit të ndodhur mbrëmjen e djeshme në fshatin Hot i Ri në njësinë Administrative Rrethina, Shkodër.
Viktima e këtij aksidenti është 30-vjeçari, Admir Buhaj, banues ne Postribe të Shkodrës. Ai po ecte me një motoçikletë, dhe rreth orës 21:30 u përplas nga një makinë.
30-vjecari dyshohet se është goditur nga mjeti tip “Benz” me targa AA 222 TS. Pas aksidentit, drejtuesi i mjetit është larguar nga vendi i ngjarjes dhe është shpallur në kërkim nga policia.
Përplasja ishte e fortë duke i shkaktuar të riut dëmtime të shumta në trup, dhe për pasojë edhe vdekjen.
Në vendngjarje mbërritën menjëherë shërbimet e policisë dhe kryen veprimet me grupin hetimor për sqarimin rrethanave e aksidentit.