Këngëtari i njohur, Labinot Tahiri, në emisionin “Komiteti Qendror”, prodhim i Gazetës Express, që transmetohet në RTV Dukagjini, ka folur për rastin e fundit humanitar që ai ka ndërmarrë.
Ai ka treguar se si arriti që brenda 48 orëve të grumbullojë mbi 200 mijë euro.
Nuk ishte e lehtë që kjo iniciativë të merrej në mënyrë individuale sepse ishte një shumë e madhe, ka thënë Tahiri në “Komiteti Qendror”.
Ai ka treguar se me ndihmën e të tjerëve arriti që t’ia mundësojë shërimin fëmijës 3-vjeçar nga Podujeva, Besim Kurtolli, i cili vuan nga sëmundja e veshkave.
Këngëtari nga Ferizaj ka treguar se njerëzit nga diaspora janë kontribuesit kryesorë në rastet humanitare që ai ndërmerr.
Tahiri ka thënë se ka për qëllim krijimin e një fondacioni të tij, i cili mund të bëhet adresë për ndihmë të më shumë rasteve të tilla.
