Së fundmi Kolegji Riinvest ka krijuar partneritet me London School of Economics duke i ofruar kështu të rinjve një mundësi për shkollim dhe diploma nga LSE.
Si gjithmonë të fokusuar në arritjen e marrëveshjeve të reja dhe edukimin e të rinjve, këtë herë Riinvest sjell Dr. James Abdey nga London School of Economics i cili do t’i bashkohet eventit të organizuar në një diskutim rreth Data Science.
James është Asistent Profesor Ligjërues në Statistikë, i cili ka fituar doktoraturën e tij në vitin 2010 nga po i njëjti Universitet (LSE).
Jashtë punës në LSE, ai ka punuar gjithashtu në projekte të ndryshme të konsulencës duke përfshirë
tregun e artit, “World Gold Council” dhe ka mbajtur seminare në parlamentin e Britanisë së Madhe.
Gjatë organizimit, studentët dhe të gjithë pjesëmarrësit do të kenë mundësi të bisedojnë personalisht me Dr.James Abdey dhe të diskutojnë lidhur me temën “Data Science”.
Ky organizim do te mbahet sot më 29 maj 2018 në ambientin e Kolegjit Riinvest nga ora 17:30.
