Spanja ka regjistruar 390 raste të reja nga coronavirusi brenda 24 orëve të fundit – shifra më e lartë ditore nga data 22 maj.
Sipas mediave të huaja, shumica e rasteve të konfirmuara u raportuan në regjionin e Aragonës dhe Katalonjës.
Ndërkohë, numri i përgjithshëm i të prekurve nga coronavirusi në Spanjë u rrit në 257 mijë, kurse 28 mijë persona kanë ndërruar jetë, bazuar në të dhënat zyrtare nga Ministria e Shëndetësisë në vend.
Pas rasteve të reja nga COVID-19, qyteti i Barcelonës po e shqyrton mundësinë e implementimit të masave të reja, derisa 160 mijë njerëz u vendosën në izolim në një rajon tjetër të Katalonjës.
Ndryshe, numri i plotë i të prekurve globalisht u rrit në 13.3 milionë, kurse 580 mijë persona ndërruan jetë.
