Sytë e tu / Vargje nga Adelina Pali

19.08.2021 08:50:42
SYTË E TU
I kam parë një mijë herë sytë e tu
Në vargje dua ti vizatoj , se kam aspak
të lehtë…,
Një ditë më duken si deti të kaltër
Ditën tjetër për çudi, si livadhe të blertë !
I shoh përherë të ëmbël ,
të qeshur
Seç kanë një mister , një magji…,
Drita në to përthyhet si mbi diamant
Ndoshta është sekret , që veç ti e di !
E mban mënd? Me ata sy më bëre për vete
Ndodhi një çast ashtu pa kuptuar…,
Në to lundroja si në të kaltrat dete
Mbi to barisja , si livadheve bleruar !
Ata sytë e tu janë vërtet të çuditshëm
Sa të bukur , kur qeshin plot katare…,
Akoma dhe më të shndritshëm…
Kur derdhin lot margaritar…!