Presidenti i vendit, Hashim Thaçi i ka shprehur ngushëllime familjes Sope nga Zhuri, e cila të shtunën humbi tre anëtarë të saj në një aksident komunikacioni.
“Humbja e jetës së tre anëtarëve të familjes Sope në aksidentin tragjik është pikëlluese për gjithë qytetarët e Kosovës. Familjes Sope i shprehim ngushëllimet më të thella dhe bashkohemi me dhembjen e saj të madhe”,ka shkruar Thaçi.
Në aksidentin e komunikacionit, që ndodhi të shtunën në rrugën Prizren – Zhur, kanë humbur jetën tre anëtarë të familjes Sope nga Zhuri, babai me dy djemë të tij.
