Pas sulmit që dyshohet se e kreu një kosovar në Dusseldorf të Gjermanisë, në stacionin e metrosë, presidenti Hashim Thaçi përmes një postimi në Twitter ka treguar solidarizimin me familjet e personave të plagosur.
Gjithsej 9 persona u plagosën në stacionin e trenit në Dusseldorf të Gjermanisë, pasi i identifikuari nga mediat gjermane si Fatmir H., ka sulmuar me sëpatë.
“Lajm i tmerrshëm nga Dusseldorfi, sulm i sëmurë nga një person i çmendur. Lutjet dhe mendimet tona qëndrojnë me të lënduarit dhe familjet e tyre”, ka shkruar Thaçi.
Policia në Gjermani ka konfirmuar se personi në fjalë është nga Kosova, por edhe ka përjashtuar mundësinë se ishte sulm terrorist, pasi thuhet se autori i sulmit ishte i shtrirë në një spital psikik.
