17 vite pas luftës Kosova dhe Serbia ende kanë shumë punë për të bërë që të arrihet fqinjësia e mirë mes dy vendeve. E për fqinjësi të mirë dhe paqe jo pak herë po bënë thirrje edhe vetë presidenti i Kosovës, Hashim Thaçi, madje pak ditë më parë ai bëri thirrje të tilla edhe nga Hoça e madhe ku përkujtoi viktimat e luftës.
Ndërsa njohësit e rrethanave politike këto thirrje për paqe po i quajnë të pa kuptimta kur Serbia është ende agresore ndaj Kosovës, dhe se Serbia, e mban ende Kosovën si pjesë të saj në kushtetutë.
Azem Vllasi, njohës i çështjeve politike thirrjet e Presidentit Thaçi po i sheh në funksion të pajtimit me serbët e Kosovës dhe jo në funksion të tolerimit të Serbisë.
