Zelanda e Re ka prishur bilancin pozitiv të 24 ditëve të fundit.
Zelanda e Re regjistroi sot dy raste të reja të Covid-19, njoftoi Ministria e Shëndetësisë në vend.
Ato janë rastet e para që raportohen në vend brenda 24 ditëve të fundit, raporton Cnn, transmeton lajmi.net.
Dy infeksionet e reja janë të dy gra nga e njëjta familje që arritën në Zelandën e Re nga Britania e Madhe përmes Australisë, sipas njoftimit të lajmeve të ministrisë.
Gratë u lejuan të linin izolimin e tyre në një hotel në Auckland dhe të udhëtonin drejt Uellingtonit përmes automjetit privat për të vizituar një të afërm i cili ka vdekur, tha Drejtori i Përgjithshëm i Shëndetit, Dr Ashley Bloomfield në një konferencë sot.
