Komuna e Deçanit sot ka mbajtur homazhet për dëshmorët e rënë në fshatin Irzniq.
Pas homazheve është promovuar edhe libri “Antologji e Lirisë” nga autorët Fadil Dervishaj dhe Kushtrim Dacaj.
Këtë e ka bërë të ditur kryetari i Komunës së Deçanit, Bashkim Ramosaj, përmes profilit të tij në Facebook ku ka ndarë edhe disa fotografi nga homazhet dhe promovimi.
Ai ka njoftuar po ashtu se shkolla e mesme e ulët e fshatit është emëruar sipas heroit Maxhun Cakaj.
“Me vendimin e ministrit të arsimit z. Shyqeri Bytyqi, shkolla fillore e mesme e ulët e fshatit Irzniq merr emrin e Heroit të kombit Maxhun Çekaj! Nder dhe lavdi djemve dhe vajzave që dhanë jetën për lirinë dhe pavarësinë e Kosovës”, ka shkruar Ramosaj.
