Policia e Kosovës ka njoftuar se në Vërmicë është arrestuar i dyshuari mashkull, shtetas i Shqipërisë, pasi që gjatë kontrollimit të veturës Alfa-Romeo me targa të Shqipërisë, të cilën e drejtonte i dyshuari, janë gjetur dhe konfiskuar katër qese me lëndë të dyshuar narkotike të llojit marihuanë.
Në njoftim të Policisë thuhet se së bashku në veturë me të dyshuarin ishte edhe një i dyshuar, shtetas i Shqipërisë i cili ka arritur të arratiset.
Me vendim të prokurorit i dyshuari është dërguar në mbajtje, ndërsa njësitet policore janë duke hetuar rastin.
