Lëndimi i futbollistit më të mirë të Liverpoolit, egjiptianit Mohamed Salah nuk iu ka pëlqyer fare tifozëve kosovarë të kësaj skuadre.
Salah u lëndua nga ndërhyrja e kapitenit të Real Madridit, Sergio Ramos.
Ramosin e ka “nem” edhe ambasadorja e Kosovës në SHBA, Vlora Çitaku, një tifoze e zjarrtë e Barcelonës, rivalit të përjetshëm të Realit.
“Sergio Ramos është lojtari ma i poshtër në bote. Marre. Referimi edhe ma marre”, ka shkruar Çitaku, raporton lajmi.net.
Ajo ka marrë shumë pëlqime dhe komente për këtë postim, por edhe të qeshura.
Pjesa e parë e finales së Ligës së Kampionëve ndërmjet Realit dhe Liverpoolit ka përfunduar 0 me 0. Finalja po luhet në Kiev të Ukrainës.
