Gjestet e të rinjve që goditën me vezë e domate ministrin e Shëndetësisë Ilir Beqaj janë komentuar edhe në mbledhjen e Komisionit të Shëndetësisë, teksa raportonte Beqaj.
“Sot me vezë dhe domate, nesër në prokurori. Besova se vezët dhe domatet e mëngjesit do ua kishin ndryshuar raportin me të vërtetën. Ju uroj suksese në jetë ashtu sikundër të rinjtë e mëngjesit”, iu drejtua me ironi Vokshi ministrit. Teksa Beqaj nuk ka komentuar mbi këtë ngjarje, deputetet e mazhorancës i kërkuan kryetares së komisionit që Beqaj të lejohet të flasë për atë që kishte ardhur.
