Universiteti i Prishtinës “Hasan Prishtina” nëpërmjet një komunikate për media njofton se profesori Fakultetit të Bujqësisë dhe Veterinarisë, Shukri Fetahu si rezultat i punës së tij shkencore në 15 vitet e fundit, ka arritur që të krijojë, licencojë dhe zhvillojë kultivarin (varietetin) e ri të grurit në Kosovë.
“Ky hulumtim dhe rezultat ka ardhur si produkt i një pune dhe angazhimi shumëvjeçar nga Fetahu dhe ekipi i tij i ekspertëve kombëtar dhe ndërkombëtar. Profesor Fetahu thekson se varieteti, i emëruar Dardania-1, karakterizohet me tiparet si potenciali i lartë gjenetik prodhues, përdorim më të ulët të normës së farës për mbjellje, rezistueshmëri më të mirë ndaj patogjenëve, cilësi më të lartë të glutenit (ngjitësit), sasi më të lartë të proteinave si dhe tipi i miellit Grupi 500 dhe grupi kualitativ A1/A2”, thuhet në një komunikatë për media.
Me këtë rast, rektori i UP-së Marjan Dema sot ka ndarë mirënjohje për Fetahun.
Demaj me këtë rast ka thënë tashmë Kosova, përmes Universitetit të Prishtinës dhe profesor Shukri Fetahut, ka varietetin e vet.
“Këtu e tutje nuk kemi nevojë importi nga vende gjithandej porse kemi dhe duhet të kultivojmë varietetin tone kosovar të grurit”, thuhet në komunikatë.
