Zgjedhjet lokale të 22 tetorit do të vëzhgohen nga 25 mijë vëzhgues të akredituar nga Komisioni Qendror Zgjedhor (KQZ), mbi 21 mijë prej të cilëve janë akredituar sot.
“Numri i vëzhguesve të akredituar gjatë ditës së sotme është: 21 mijë e 754 vëzhgues.
Deri më tani numri i përgjithshëm i vëzhguesve të akredituar është rreth 25 mijë vëzhgues”, thuhet në njoftimin e KQZ-së.
Te vëzhguesit e akredituar hyjnë edhe ata nga Misioni i Vëzhgimit të Zgjedhjeve të Bashkimit Evropian.