Këshilli Prokurorial i Kosovës, sot ka zgjedhur Haxhi Dërgutin kryeprokurorë të Prokurorië së Apelit dhe Reshat Millakun Kryeprokurë të Prokurorisë Speciale të Kosovës.
Zgjedhjes se dy kryeprokurorëve i ka paraprirë raportimi i kryeprokurorit të Shtetit, Aleksandër Lumezi, njëherësh Kryetar i Komisionit për shqyrtimin e aplikacioneve për kryeprokurorë të këtyre dy prokurorive.
“Gjatë këtij takimi, Koordinatori Kombëtar për luftimin e krimeve ekonomike, Shqipdon Fazliu, ka raportuar para anëtarëve të Këshillit Prokurorial për punën e Koordinatorit për periudhën prill – qershor 2016, ku pas raportimit, anëtarët e KPK-së miratuan raportin 3 mujorë të Koordinatorit.Po sot, anëtarët e KPK-së, kanë aprovuar raportin e Komisionit për Transferimin dhe Avancimin e prokurorëve të shtetit, njëherit duke bërë disa avancime dhe transferimet të prokurorëve”, thuhet ndër të tjera në njoftimin e Këshillit Prokurorial të Kosovës.
Njoftimi i Plotë i KPK-së:
Është mbajtur takimi i njëqindenjëzet i Këshillit Prokurorial të Kosovës (KPK), i udhëhequr nga kryesuesi i Këshillit Prokurorial, Blerim Isufaj.
Këshilli Prokurorial i Kosovës sot ka zgjedhur Haxhi Dërgutin kryeprokurorë të Prokurorisë së Apelit dhe Reshat Millakun Kryeprokurorë të Prokurorisë Speciale të Republikës së Kosovës.
Zgjedhjes së dy kryeprokurorëve i ka paraprirë raportimi i kryeprokurorit të Shtetit, Aleksandër Lumezi, njëherësh Kryetar i Komisionit për shqyrtimin e aplikacioneve për kryeprokurorë të këtyre dy prokurorive.
Gjatë këtij takimi, Koordinatori Kombëtar për luftimin e krimeve ekonomike, Shqipdon Fazliu, ka raportuar para anëtarëve të Këshillit Prokurorial për punën e Koordinatorit për periudhën prill – qershor 2016, ku pas raportimit, anëtarët e KPK-së miratuan raportin 3 mujorë të Koordinatorit.
Po sot, anëtarët e KPK-së, kanë aprovuar raportin e Komisionit për Transferimin dhe Avancimin e prokurorëve të shtetit, njëherit duke bërë disa avancime dhe transferimet të prokurorëve.
Anëtarët e KPK-së, kanë avancuar në Departamentin për Krimeve të Rënda të Prokurorisë Themelore në Prishtinë prokurorët: Bukurije Gjonbalaj, Fitore Sadikaj, Ibrahim Berisha, Javorka Prlinćevič dhe Kujtim Munishi – nga Prokuroria Themelore e Gjilanit.
Ndërsa, kanë avancuar në Departamentin për të Mitur të Prokurorisë Themelore në Prishtinë: Sebahate Hoxha dhe Gjejrane Alaj.
Po ashtu, anëtarët e KPK-së avancuan në Departamentin për Krimeve të Rënda të Prokurorisë Themelore në Pejë prokurorin e kësaj prokurorie, Ardian Hajdaraj.
Ndërsa, prokurori Arian Gashi është transferuar nga Departamenti për të Mitur i Prokurorisë Themelore në Gjakovë, në Departamentin për Krimeve të Rënda të Prokurorisë Themelore në Prishtinë.
Anëtarët e KPK-së, diskutuan dhe aprovuar raportin e Komisionit për mbikëqyrjen e Njësitit për luftimin e korrupsionit dhe krimeve ekonomike, duke përfshirë këtu sekuestrimin dhe konfiskimin e pasurisë së fituar në mënyrë të paligjshme.
Po sot, anëtarët e KPK-së caktuan zyrtaren e Njësiti për Shqyrtimin e Performancës së Prokurorëve, Ismije Maxhuni, Koordinatore për emërim, transferim dhe avancim të prokurorëve të shtetit.
