Trajneri i ardhshëm i Kosovës pritet të zyrtarizohet më 2 mars. Këtë e konfirmojnë në Federatën e Futbollit të Kosovës.
Edhe sekretari i kësaj federate, Eroll Salihu për mediat vendase është shprehur se janë afër zyrtarizmit të trajnerit.
Ai nuk ka pranuar të japë emra, megjithatë, ka pranuar se bëhet fjalë për zviceran.
Sipas të gjitha gjasave, përzgjedhës i Kosovës do të jetë Bernard Challandes. 66-vjeçari zviceran aktualisht punon si “scout” tek ekipi Baselit, ndërsa më parë ka qenë përzgjedhës i Armenisë, ku kishte dhënë dorëheqje në mars të vitit 2015 vetëm një ditë pasi ishte mposhtur nga Shqipëria në kualifikimet e “Euro 2016”.
Challandes është menaxher në kompaninë e Footuro, që menaxhon 45 futbollistë, në mesin e tyre 12 shqiptarë, pjesë e të cilëve është edhe mesfushori i kombëtares shqiptare, Migjen Basha. Ai pritet të paguhet rreth 20-30 mijë euro në muaj, duke u bërë njeriu më i paguar në Kosovë.
