Një peshkatar italian ka rënë në prangat e policisë së shtetit fqinj pasi iu gjet në mjetin e tij lundrues 119 kg kanabis sativa e ngarkuar në Shqipëri.
Në pranga ra Ivano Palermo, 51 vjeç, i cili do të paguhej me 30 euro për kilogram me qëllim dërgimin e sigurtë të ngarkesës së drogës.
Sipas policisë, Palermo ishte kthyer me anijen e tij nga Shqipëria në San Cataldo, por aty është gjetur nga policia.
Palermo me anijen e tij të gjatë 6 metra e gjysëm kishte dalë për të peshkuar, por kishte devijuar lundrimin e ishte ankoruar në brigjet shqiptare ku kishte marrë edhe lëndën narkotike kanabis sativa.
Arrestimi i tij është bërë nga oficerët e “Gico” të Otranto.
