NËNA
E di edhe tash si çdoherë
je aty kur lodhja lëshohet me përtesë
në përqafim të errësirës gjumë
mbi krahun tim të djathtë rri
engjull mbrojtës
Ta ndjej praninë frymëmarrjen
e fyti më thahet nga dëshira
për të pëshpëritur vetëm
një çapitje rrëfejzë me Ty
ua sa mall kam të të përqafoj si dikur
zgjasë dorën të të përkdhelë
sërish e terheqë
kam frikë se të trembë Nënë
vetëm ëndërr paska qenë kjo
erë dimri sërish hyri akull në kockat
e mia…
NË DITËN E PJEKJES ME HYUN
(21.03.2014)
Në tharmin që gatoi Hyu
për botën Amshim
e lumtur ëndërroj të shkrihem
në ngjizjen e Pjalmit të Saj
Nga bota e rreme
veç zhgënjimit nuk shijova gjë tjetër
Në ditën e pjekjes me Hyun
Udhës së Siratit nuk do hamendem
mes Ferrit apo Parajsës…
Në tokë NJERIU kundërmon MUT…
