Liverpool nuk e çoi dëm asistin që i dhanë City, United dhe Arsenal në garën për titullin duke fituar 0-1 në transfertë me Watford dhe duke hedhur një hap të sigurtë drejt Champions. “The Reds” në rrethinat e Londrës fituan falë një goli në kufirin e pjesës së parë që pati për autor turkun Emre Can.
Në pjesën e dytë, Liverpool ishte në kontroll të ndeshjes dhe pse Watford, në kërkim të pikëve për të konfirmuar mbijetesën në Premier rrezikoi me Ettiene në të 69-tën por goditja e tij përfundoi mbi traversë. Miqtë kishin nevojë dhe për një pritje të Mignolet në të 83-tën, ndërsa në 94-trën i erdhi fati në nidhmë me topin që u ndal në traversë duke mbyllur ndeshjen me fitore e duke u shkëputur tashmë në 3 pikë nga City që ka një ndeshje më pak e 4 nga United, që kanë një ndeshje më pak, por The Reds kanë një bilanc më pozitiv në përballjet e drejtëpërdrejta.
