Kandidati për kryeministër i koalicionit PDK-AAK-NISMA, Ramush Haradinaj ka anuluar pjesëmarrjen e tij në të gjitha debatet televizive me dy kandidatët e tjerë për kryeministër, Avdullah Hotin e koalicionit LDK-AKR dhe Albin Kurtin e VV-së.
Në një intervistë në emisionin Rubikon të KTV-së, Haradinaj ka thënë se nuk e sheh të domosdoshme përballjen me dy kandidatët e tjerë.
“Nuk do të shkoj në asnjërin nga debatet”, ka thënë Haradinaj, transmeton Insajderi.
Haradinaj ka thënë se dy kundër-kandidatët e tjerë nuk janë në nivelin e tij.
“Zoti Hoti nuk është as kryetar partie dhe nuk e marrë si oponent, ndërsa me zotin Kurti duhet me diskutu tema për ideale e jo për programe”, ka deklaruar Haradinaj në Rubikon të KTV-së.
