Kryeministri i Kosovës, Ramush Haradinaj ka përkujtuar 8-vjetorin e Mendimit të Gjykatës Ndërkombëtare të Drejtësisë (GJND), që kishte legjitimuar shpalljen e Pavarësisë së Kosovës.
Haradinaj ka vlerësuar se ky vendim ka hupur rrugët për të ndërtuar Kosovën shtet modern që aspiron integrimet euro-atlantike.
Postimi i plotë i Haradinajt:
Tetë vite më parë Gjykata Ndërkombëtare e Drejtësisë i dha legalitet të drejtës sonë për shtet. GjND, në opinionin e vet, vlerësoi se përpjekjet tona historike ishin të drejta. Ky vendim i rëndësishëm hapi rrugë për të ndërtuar Kosovën shtet modern që aspiron integrimet euro-atlantike.
Ne kemi ende punë për të bërë, por progresi nuk do të ndalet. Me dhënien e dritës së gjelbër për liberalizim të vizave vuloset e ardhmja jonë në familjen e shteteve paqedashëse dhe demokratike. Kosova në tërësinë e saj të plotë territoriale është faktor i rëndësishëm i stabilitetit në rajon dhe më gjërë.