Edhe nesër shqiptarët do të duhet të përballen me temperaturat disa gradë nën zero, ndërsa nga e marta do të nisë rritja e tyre.
Sinoptikania Lajda Porja tha për News24 se sot ka pasur një rënie tjetër të ndjeshme të temperaturave që do të vijojnë edhe ditën e nesërme. Ajo tha se në të gjithë territorin temperaturat janë në vlera negative.
“Sot ka pasur një rënie e ndjeshme temperaturash edhe në krahasim me dje. Edhe nesër do të jetë e njëjta situatë. I gjithë territori në vlera negative. Maksimalja është 1 apo 2 gradë. Sot do të jetë një ditë e ftohtë por pa reshje. Nga e hëna do të ketë një rritje të lehtë të temperaturave që do të vijojë edhe në ditët e tjera të javës së ardhshme.
Prej vitesh Shqipëria nuk ishte përballur me temperatura të tilla që sollën madje borë edhe në vende bregdetare si Durrësi apo në Ultësirën Perëndimore si Fieri.
