Andrés Iniesta, kapiteni i Barcelonës, falënderoi besimin që bordi dhe klubi kanë vendosur tek ai, me këtë rinovimin për gjithë jetën të kontratës së tij. Mirëpo, mesfushori nguli këmbë të kujtojë se, në moshën 33-vjeçare, nuk do të pranojë të tërhiqet zvarrë pas Barcelonës. Iniesta do ta vlerësojë sezonin e vazhdimësisë pas sezonit aktual. Kjo është arsyeja pse ai nuk e di se çfarë lidhjeje do të ketë me Barcelonën kur të përfundojë karrierën e tij profesionale në futbollin aktiv.
“Unë nuk e kam vendosur se çfarë do të bëj kur t’i var këpucët në gozhdë. Ama, mendja ime është vetëm futboll. Koha është kundër meje, por do të përpiqem të përgatitem për atë që do të jetë e ardhmja. Unë do të jem i lidhur me futbollin. Kjo është jeta ime, – tha Andres Iniesta. – Pas këtij rinovimi ose marrëveshjeje ka shumë vite, shumë sakrifica, situata të mira dhe jo aq të mira. Unë jam krenar për të ecur më shumë me hapin e klubit. Synimi im është dhe ka qenë për të qenë këtu për aq kohë sa të jetë e mundur. Nuk më pëlqen për t’i planifikuar gjërat në një afat të gjatë. Në çdo kohë gjërat mund të ndryshojnë”.
