Një pjesëtar i Policisë së Kosovës, sot ka parandaluar një aksident potencial në qendër të Prishtinës.
Një vajzë 10-vjeçare sot për pak sa nuk u godit nga një veturë në rrugën “Dëshmorët e Kombit”, më saktë përballë ndërtesës së Radio Kosovës.
Vajza duke zbritur nga vetura, u rrezikua të goditet nga një veturë tjetër në lëvizje, por në këtë moment ndërhyri polici Ferid Berisha që parandaloi aksidentin, rrëfen ngjarjen dëshmitarja Hafize Elshani.