Qytetarët e regjistruar në listat zgjedhore do të mund të votojnë të dielën më 2 prill në zgjedhjet presidenciale vetëm nëse në vendvotim do të paraqesin letërnjoftimin e vlefshëm, pasaportën ose lejen e vozitjes, njoftoi të premten Komisioni Zgjedhor Republikan i Serbisë (KZR).
Në kumtesën e këtij komisioni thuhet se votuesve të cilëve u ka skaduar letërnjoftimi duhet të votojnë me kusht, si dhe duhet që të prezantojnë vërtetimin e Ministrisë së Punëve të Brendshme për kërkesën e bërë për marrjen e letërnjoftimit të ri.
Votimet do të zgjasin nga ora 7.00 deri 20.00.
