Kreu i LDK-së, Isa Mustafa, ka thirrur mbledhje urgjente të Kryesisë së partisë që e drejton.
Lajmin e ka bërë të ditur, anëtari i Kryesisë së LDK-së, Safet Kamberin.
Kamberi ka thënë se mbledhja është thirrur për nesër në orën 11:00 dhe mbahet në selinë qendrore të partisë.
Ndërkohë kreu i LVV-së, Albin Kurti dhe ai i LDK-së, Isa Mustafa janë duke zhvilluar takimin e radhës në zyrat e Kuvendit.
Para takimit, Mustafa tha shkurtimisht se s’mund të garantojnë se kur do të arrihet marrëveshja.
“Do të bisedojmë ku arrijmë nuk mund të ju garantojmë”, tha Mustafa.
Në takimin e fundit, të dyja palët ishin pajtuar për intensifikim të takimeve për të arritur sa më parë marrëveshjen për bashkëqeverisje.
